Llwybr golygfaol 13 milltir o hyd sy,n dilyn arfordir deheuol Sir Gaerfyrddin, yn cynnig golygfeydd godidog o Aber Llwchwr a Phenrhyn Gŵyr. Mae’n ddelfrydol ar gyfer cerdded, beicio a gwylio bywyd gwyllt.
Yn rhedeg o Bynea i Ben-bre, mae Llwybr Arfordirol y Mileniwm yn llwybr gwastad a di-draffig yn bennaf ar gyfer cerdded, beicio a sgwtera. Mae’r llwybr yn rhan o Lwybr Arfordir Cymru a Llwybr 4 y Rhwydwaith Beicio Cenedlaethol.
Ar hyd y ffordd, byddwch yn mynd heibio gwarchodfeydd natur, mannau chwarae, caffis, a golygfeydd arfordirol panoramig. Bydd gwylwyr adar a ffotograffwyr yn gwerthfawrogi’r golygfeydd dros Aber Llwchwr, tra bod teuluoedd yn mwynhau arosfannau mewn mannau fel Harbwr Porth Tywyn.
Ar un adeg yn gartref i fardd enwocaf Cymru, mae’r Boathouse yn edrych dros Aber Afon Taf ac yn cynnig golwg fanwl i ymwelwyr ar fywyd, gwaith, a’r dirwedd a ysbrydolodd Dylan Thomas.
Darganfod mwy
Camwch yn ôl mewn amser gyda thaith trên stêm treftadaeth ar hyd Cwm Gwili golygfaol, gan gynnig golygfeydd hyfryd, digwyddiadau sy’n addas i’r teulu, a blas o deithio ar drên clasurol yng nghefn gwlad Cymru.
Darganfod mwy
Parc gwledig 180 erw yn cynnwys llyn golygfaol, coetiroedd a dolydd. Mae'n cynnig llwybrau cerdded wedi'u cynnal a'u cadw'n dda, canolfan ymwelwyr, ac ardal chwarae i blant, sy'n ei wneud yn gyrchfan ddelfrydol ar gyfer gwibdeithiau teuluol.
Darganfod mwy
Gwyliwch ddwsinau o Farcutiaid Coch gwyllt yn heidio ac yn hedfan yn yr orsaf fwydo bwrpasol hon, lle gall ymwelwyr fwynhau golygfa agos o un o adar ysglyfaethus mwyaf eiconig Cymru.
Darganfod mwy
Gwarchodfa 450 erw o lynnoedd, pyllau a morlynnoedd, sy'n hafan i fywyd gwyllt amrywiol. Gall ymwelwyr fwynhau gwylio adar, llwybrau natur, a gweithgareddau i deuluoedd trwy gydol y flwyddyn.
Darganfod mwy
Hyb cymunedol bywiog gyda chaffi, oriel gelf, arddangosfa dreftadaeth a gwybodaeth i dwristiaid. Mae’n lle perffaith i ddechrau archwilio’r Mynydd Du a Bannau Brycheiniog.
Darganfod mwy
