Gwarchodfa natur heddychlon gyda choetiroedd, nentydd a dolydd agored. Lle gwych i wylio adar, cerdded a mwynhau harddwch naturiol Sir Gaerfyrddin.
Mae Parc Natur Ynysdawela yn cynnig 39 erw o gefn gwlad golygfaol gyda chynefinoedd amrywiol gan gynnwys coetir derw hynafol, dolydd a gwlyptiroedd. Mae’r parc yn cynnal toreth o blanhigion ac anifeiliaid, gan gynnwys rhywogaethau prin fel britheg y gors a phathewod.
Mae llwybrau cerdded yn ymdroelli drwy’r safle, gan fynd heibio mannau tawel i wylio adar a meinciau ar gyfer picnic. Mae arwyddion addysgiadol yn amlygu nodweddion naturiol y parc.
Camwch yn ôl mewn amser gyda thaith trên stêm treftadaeth ar hyd Cwm Gwili golygfaol, gan gynnig golygfeydd hyfryd, digwyddiadau sy’n addas i’r teulu, a blas o deithio ar drên clasurol yng nghefn gwlad Cymru.
Darganfod mwy
Yn un o fryngaerau mwyaf Cymru o’r Oes Haearn, mae Garn Goch yn cynnwys rhagfuriau carreg dramatig, tirweddau agored eang, a golygfeydd syfrdanol ar draws Dyffryn Tywi – ffenestr ryfeddol i hanes hynafol Cymru.
Darganfod mwy
Llwybr beicio golygfaol 7 milltir di-draffig sy'n ymdroelli ar hyd Afon Aman o Rydaman i Frynaman. Delfrydol ar gyfer teuluoedd, gyda golygfeydd o goetir, tir fferm a'r Mynydd Du.
Darganfod mwy
Wedi’i lleoli wrth ymyl traeth eiconig Pentywyn, mae’r Amgueddfa Cyflymder Tir yn dathlu rôl chwedlonol y traeth yn hanes chwaraeon moduro, gan arddangos ceir sydd wedi torri record, gyrwyr beiddgar, a straeon gwefreiddiol am gyflymder.
Darganfod mwy
Ar un adeg yn gartref i fardd enwocaf Cymru, mae’r Boathouse yn edrych dros Aber Afon Taf ac yn cynnig golwg fanwl i ymwelwyr ar fywyd, gwaith, a’r dirwedd a ysbrydolodd Dylan Thomas.
Darganfod mwy
Llwybr golygfaol 13 milltir o hyd sy,n dilyn arfordir deheuol Sir Gaerfyrddin, yn cynnig golygfeydd godidog o Aber Llwchwr a Phenrhyn Gŵyr. Mae’n ddelfrydol ar gyfer cerdded, beicio a gwylio bywyd gwyllt.
Darganfod mwy
